Китоб тумани ирригация бўлими тасарруфидаги хўжаликлараро “Шаҳрисабз” каналининг узунлиги 6,5 км. ни ташкил этади. Сув олиш манбаси “Анҳор-2” канали бўлиб, ҳудуддаги жами 2500 гектар майдонни сув билан таъминлайди. Айни кунларда мазкур каналда таъмирлаш-тиклаш ишлари жадал олиб борилмоқда.
Туман ирригация бўлими бошлиғи Д.Бердиевнинг маълумот беришича, ҳозирга қадар канал механизмлар ёрдамида тўлиқ тозаланиб, таъмирталаб бўлиб қолган жойларида бетонлаш ишлари амалга оширилди. Шунингдек, бўлимга қарашли барча гидротехника иншоотларида таъмирлаш-тиклаш, ободонлаштириш ишлари уюшқоқлик билан давом эттирилаяпти.
