ХАЛҚАРО АЁЛЛАРГА НИСБАТАН ЗЎРАВОНЛИККА ҚАРШИ КУРАШ КУНИ ҲАМДА КОНСТИТУЦИЯНИНГ 31 ЙИЛЛИГИ МУНОСАБАТИ БИЛАН ТАДБИР ТАШКИЛ ҚИЛИНДИ
БМТ Бош Ассамблеяси томонидан эълон қилинган “25 ноябрь-Халқаро аёлларга нисбатан зўравонликка барҳам бериш куни”га ҳамда Ҳукумат топшириғига асосан, 2023 йил 25 ноябрдан 10 декабргача “Зўравонликка қарши 16 кун” чора-тадбирлар режаси эълон қилинган эди.
Унга кўра, бугун 7 декабрь санасида Аму-Қашқадарё ирригация тизимлари ҳавза бошқармасида “Хотин-қизлар ҳамда болаларга нисбатан зўравонликни олдини олиш, гендер тенглик бўйича норматив- ҳуқуқий ҳужжатларнинг мазмун-моҳиятини ходимлар орасида тарғиб қилиш ҳамда 8-декабр Ўзбекистон Республикаси Конституцияси қабул қилинганлигининг 31 йиллиги муносабати билан “Конституция инсон ҳуқуқлари ва эркинликлари кафолати” мавзусида тадбир бўлиб ўтди.
Тадбирда вилоятдаги барча сув хўжалиги ташкилотлари хотин-қизлари ва вилоят қишлоқ хўжалиги бошқармаси жамоаси, Қарши шаҳар ИИОФБ 4- сонли ИИБ инспектори Жавоҳир Исмоилов иштирок этди.
Ушбу тадбир давомида гендер зўравонликнинг кўринишлари, яъни руҳий, жисмоний ва иқтисодий зўравонлик бўйича билим ва кўникмаларни мустаҳкамлаш, аёлларни ўз ҳақ-ҳуқуқлари бўйича етарли билимга эга бўлиши зарурлиги юзасидан сўз юритилди.
Муқаддас саналган оилада аёлга нисбатан қилинган зўравонликни юртимиз келажаги учун қилинган тажовуз сифатида баҳоланиши лозимлиги, хотин-қизларга нисбатан муносабатни янада яхшилаш, уларга нисбатан ҳурмат ва эҳтиромни янада мустаҳкамлаш ҳар биримиз учун ҳам фарз ҳам қарзлиги алоҳида таъкидланди.
